李泳豪两公婆操控户口！拎走340万一句多谢都冇！

 艺人施明离世至今，李家鼎没完没了公开指控大仔李泳汉，李泳汉一直强调父亲被弟弟李泳豪与弟妇Agnes操控，今日李家鼎再宣布托付幼子李泳豪代办一切，包括钱银。

对于又遭父亲「唱衰」，李泳汉在接受东网访问时，只叹气谓：「我好清楚佢系唔情愿，嗰日喺灵堂爸爸对住亲戚面前，亲口承认话全部嘢都唔系佢讲，佢冇讲过，咁究竟系边个讲呢？大家心中有数。」

李泳汉强调没有拿过父亲口中所指的200万元，指李家鼎连户口已一早被人操控，并爆出李泳豪夫妇一直逼两老分身家。他记得母亲施明2023年出院回家，李泳豪除了叫李家鼎立平安纸，更要李家鼎在律师面前宣读内容。

当中最过分是母亲仍在康复中，已急不及待要求母亲卖楼，分钱给他们：「李泳豪两公婆就搵爸爸做说客，同妈妈讲：『你一个人使乜住咁大间屋，不如趁依家楼价高，卖咗去换间细啲，套咗出嚟嗰啲钱，畀2、300万个细仔同新抱，等佢哋组织个家。』妈妈当然冇应承，佢哋就隔几日叫鼎爷上屋企讲一次。」

直至去年6月李泳汉突然接到父亲李家鼎求助电话，并记得传来的声音非常慌张：「佢话畀李泳豪同个台湾婆操控，连网上银行户口都被人改了密码，完全攞唔到钱，于是即刻同佢去银行改番个户口资料，狂话李泳豪两公婆好离谱，之后有主动跟我做法会。我记得7月11日因为爸爸架车撞咗，佢又住得远出唔到去买餸，所以我同太太送食物畀佢，佢突然同我讲李泳豪要分家，佢话搞掂咗我同佢每人250万，又话7月24号定期够期可以拎到钱，到时会同李泳豪去拎钱先，前一日我仲打电话提佢千祈唔好畀个台湾婆跟住去。」

怎料，大约一个星期后，李家鼎拎住一大堆银行月结单找他，表示已给了李泳豪300万元，银行已近乎清零，「佢话李泳豪两公婆好过分，拎完钱一句多谢都冇，反而更加闹爆佢，仲侮辱佢话：『你估你煮嘢真系好好食呀？』然后佢叫我睇清楚堆月结单，证明自己已经冇晒钱，我发现攞完300万后，只系相差几日又过咗一笔40万去同一个户口，我问爸爸已经250万变300万，点解仲要畀多40万，佢话个台湾婆拎咗钱去买手袋。我由头到尾一亳子都冇拎过，依家就畀人讲到最贪钱，不停讲钱嗰个系李泳豪。」

李泳汉表示将真相说出，希望大家不要误会他们父子不和，从头到尾李家鼎都是受人操控，才会不断公开抹黑他，亦替父亲的处境感到心痛。

他说：「爸爸讲咗咁多嘢，佢出发点系咩先？唔系佢讲就一定系真，有冇人谂吓点解佢要咁做？完全背后操控佢嗰啲人想整死我，好似报道话鼎爷出钱买妈妈张新床，其实张床系我买成4万蚊，佢哋只系想借我爸爸把口整死我，我相信天有公理，当所有真相公开必会还自己一个公道，反而最担心系爸爸目前嘅情况。」